Мектебіміздің орыс тілі мен әдебиеті пәнінің мұғалімі, Максименко Наталья Сергеевна Минск қаласында өткен «Шетелде орыс тілі мен мәдениетін сақтау, қолдау және ілгерілету» XV Халықаралық конференциясының жұмысына қатысты. Конференция 22 елден келген орыс тілі мамандары мен гуманитарлық білім беру саласының өкілдерін біріктірді.
Конференция кәсіби диалог жүргізуге, педагогикалық тәжірибе алмасуға және орыс тілін халықаралық білім беру кеңістігінде оқытудың өзекті мәселелерін талқылауға арналған алаң болды. Іс-шара аясында пленарлық отырыстар, тәжірибеге бағытталған сессиялар және дөңгелек үстел өткізілді.
Конференцияның мәдени бағдарламасы Минск қаласының бірқатар маңызды мәдени мекемелеріне баруды қамтыды.8 желтоқсанда конференцияның салтанатты жабылуы өтіп, қатысушыларға сертификаттар табысталды.
Конференция қорытындысы бойынша ғылыми мақалалар жинағы жарық көрді, аталған жинақта Максименко Наталья Сергеевнаның мақаласы жарияланды.
Конференцияға қатысу кәсіби дамуға ықпал етіп, ғылыми-әдістемелік байланыстарды кеңейтуге мүмкіндік берді.
