Дарынды оқушылар – елдің болашағы, білім мен еңбектің жарқын үлгісі.
Ізденімпаздығы мен табандылығының арқасында олар әрдайым биік белестерді бағындырып келеді.
2025–2026 оқу жылының тағы бір жарқын жетістігі — облыстық «Дарын» ғылыми жобалар байқауының І-кезеңінің қорытындысы бойынша 11-сынып оқушылары Елубаева Амина мен Темірхан Балауса экономика бағыты бойынша жүргізген зерттеу жұмыстары үшін III дәрежелі дипломмен және бағалы сыйлықпен марапатталды. Ғылыми жобалар конкурсының облыстық кезеңінің ІІ туры (тестілеу) 19–20 декабрь күндері өтеді.
Тестілеу нәтижесі жоғары болған жағдайда, оқушылар өз жобаларын республикалық деңгейде қорғауға мүмкіндік алады.
Ғылыми жоба жетекшісі: Берлибекова Асем Джаксыбековна
Жас ғалымдар мен жетекшісін жеңісімен құттықтаймыз!
Жас ғалымдарымыз Балауса мен Аминаға ІІ-турда сәттілік тілейміз!
Алар асуларыңыз биік болсын!
