02 июнь 2025 жылы Абай атындағы мектеп-гимназиясында «Айгөлек» мектеп жанындағы жазғы алаңының алғашқы күні қызықты әрі мазмұнды өтті. Таңертең балалар бой жазу жаттығуларын жасап, жазғы алаңның ашылу салтанатына белсене қатысты.
Күні бойы түрлі іс-шаралар ұйымдастырылды: балалар асфальтқа сурет салып, өзара түрлі тақырыпта әңгімелесті. Сыбайлас жемқорлықтың зияны туралы тәрбие сағаты өтіп, балаларға адалдық пен әділдік жайлы түсінік берілді. Сонымен қатар, салауатты өмір салты туралы ауқымды акция ұйымдастырылып, пайдалы ақпараттар ұсынылды.
Күннің соңы тәрбиелік мәні бар фильмдер мен көңілді ойындарға ұласып, балалар керемет көңіл күймен демалды. Балалардың жүзіндегі шаттық пен көздеріндегі қуаныш – күнінің сәтті басталғанының айғағы деп білеміз.
Балаңыздың уақыты қызықты әрі пайдалы өткенін қаласаңыз, жазғы алаңда сіздің балаңызды асыға күтеміз!
Ойын мен білім қатар жүретін бұл алаң – баланың демалысын мазмұнды әрі көңілді өткізуге таптырмас мүмкіндік.