🔻Мектеп бітіріп, үлкен өмірге қадам басу алдында тұрған Абай атындағы мектеп гимназиясының 11 сынып оқушылары аудан әкімі Ғалымжан Қанатұлымен жүздесті.
Кездесуде аудан әкімдігі атқарып жатқан жұмыстар мен мектеп оқушыларының болашақ мамандық таңдауы тақырыптарында әңгіме қозғалды.
«Сіздердің алдарыңызда білім мен ұмтылыс арқылы қол жеткізуге болатын көптеген мүмкіндіктер тұр. Әрқайсыларыңыздың оларды бағындыруға білімдеріңіз де, қабілеттеріңіз де жетеді деп ойлаймын. Жоғарғы оқу орындарына түсіп, бір саланың мықты қызметкері болып, туған жерге қызмет етіп, үлестеріңізді қосады деген сенімім де бар»,- деді аудан әкімі Ғалымжан Қанатұлы.
Сонымен қатар, оқушылар аудан әкімінің орынбасарлары және аппарат басшысымен де жүздесіп, өмірлік тәжірибелерінен ақыл-кеңес алды.
Әкімдік жұмысын көріп, аудан басшылығымен жүздескен оқушылар өздерін мазалаған сұрақтарын қойып, жүздесуден алған жағымды әсерлерін жасырмады.
